Carpal-tunnel-syndrome.png

மணிக்கட்டு எலும்புக்குழாய் நோய்

கையிலும் விரல்களிலும் பொதுவாக உண்டாகும் வலி, உணர்ச்சியின்மை மற்றும் கூச்ச உணர்வே மணிக்கட்டு எலும்புக் குழாய் நோய் என்று அழைக்கப்படுகிறது. இவ் உணர்வுகள் படிப்படியாகத் தொடங்கி இரவில் மோசமாகும். பெருவிரல், ஆட்காட்டி விரல், நடுவிரல் மற்றும் மோதிர விரலின் பகுதியையும் இது பாதிக்கக் கூடும். இது மணிக்கட்டில் உள்ள நடு நரம்பில் உண்டாகும் அழுத்தத்தால் பொதுவாக ஏற்படுகிறது.

குறிப்புகள் : www.nhs.uk
www.nlm.nih.gov
www.ninds.nih.gov

இதன் மூன்று முக்கிய அறிகுறிகள் வருமாறு:

  • கூச்சம்
  • உணர்ச்சியின்மை
  • வலி

இவ் அறிகுறிகள் பெருவிரல், ஆட்காட்டி விரல், நடுவிரல் மற்றும் மோதிர விரலின் ஒரு பகுதியிலும் காணப்படும்.

பிற அறிகுறிகள் வருமாறு:

  • ஊசியால் குத்துவது போன்ற எரிச்சலும் குத்தலும்
  • கையில் தோல் உலர்தல், வீக்கம் மற்றும் நிற மாற்றம்
  • பெருவிரலை மடக்கும் போது பலவீனம்
  • பெருவிரல் தசைச் சுருக்கம்

குறிப்பு : www.ninds.nih.gov

மணிக்கட்டு நடு நரம்பில் ஏற்படும் அழுத்தத்தால் மணிக்கட்டு எலும்புக் குழாய் நோயின் அறிகுறிகள் தென்படுகின்றன.

ஆபத்துக் காரணிகள்:

  • குடும்ப வரலாறு: குடும்பத்தில் யாருக்காவது இந்நோய் இருந்திருந்தால் பிறருக்கும் வரும் வாய்ப்புண்டு
  • நீரிழிவு, தைராயிடு சுரப்பிக் கோளாறு போன்றவற்றாலும் வரலாம்
  • கர்ப்பம்
  • மணிக்கட்டுக் காயங்கள்
  • சுளுக்கு, முறிவு, நசுக்கப்படுவதால் காயம் ஆகியவை மணிக்கட்டு நடு நரம்பில் வீக்கத்தையும் அழுத்தத்தையும் ஏற்படுத்தும்.

குறிப்புகள் www.nhs.uk

உடல் சோதனைகள்: நோய் இருக்குமானால் சிறிது நேரம் மணிக்கட்டை வளைத்தாலோ தலைக்கு மேலாகத் தூக்கிப் பிடித்தாலோ கைகளில் வலி, உணர்ச்சியின்மை, கூச்சம் ஆகியவை ஏற்படும்.

மின்னலைச் சோதனை: நரம்பைத் தூண்டுவதன் மூலம் நரம்புகளுக்கு ஏற்பட்டுள்ள சேதத்தைக் கண்டறியலாம்.

குறிப்புகள் www.nhs.uk

மணிக்கட்டு காப்புறை :மணிக்கட்டு வளையும் போது நடு நரம்பில் அழுத்தத்தை ஏற்படுத்தும்.. இதனால் நோயறிகுறிகள் தீவிரமடையும். பொதுவாக இரவில் மணிக்கட்டு காப்புறை அணியும்போது மணிக்கட்டு வளைவதைத் தடுத்து அதை ஒரே நிலையில் வைக்க உதவும்.

கோர்ட்டிகோஸ்டிராய்ட்ஸ் : ஊக்கமருந்துகள் உடலின் நோய்க்காப்புத் திறனை அதிகரிக்கும். அவை உருவாக்கும் வேதிப்பொருட்கள் அழற்சியைக் குறைக்க உதவும்.

அறுவை மருத்துவம் : மணிக்கட்டு எலும்புக் குழாய் அழுத்த நீக்க மருத்துவம் என அழைக்கப்படுகிறது. பொதுவாக ஆறு மாதத்திற்கு மேல் இந்நிலை நீடித்தால் இம்மருத்துவம் செய்யப்படுகிறது. மணிக்கட்டு எலும்புக் குழாயின் மேற்பகுதி வெட்டப்பட்டு நடு நரம்பின் மேல் உள்ள அழுத்தம் குறைக்கப்படுகிறது.

குறிப்புகள் www.nhs.uk

தடுப்பு முறைகள் வருமாறு:

  • கையிலும் மணிக்கட்டிலும் அழுத்தம் சீராக இருக்கும்படி அவற்றின் அசைவுகளை வைத்துக் கொள்ளவும்
  • புயம், கை, விரல் தசைகளை வலிமையாகவும் வளையும்தன்மை கொண்டதாகவும் வைத்துக் கொள்ளவும்.
  • நீட்சிப் பயிற்சிகளைச் செய்யவும்
  • அடிக்கடி ஓய்வும், மணிக்கட்டை நேராக வைக்க உதவும் காப்புறை அணிதலும், சரியாக மணிக்கட்டை வைத்துக் கொள்ளுதலும் முக்கியம்.
  • முதலாளிகள் தங்கள் தொழிலாளர்களுக்கு ஏற்ற பணிச்சூழலியலை அமைத்துத் தர வேண்டும்.

குறிப்புகள் www.ninds.nih.gov

  • PUBLISHED DATE : May 19, 2015
  • PUBLISHED BY : NHP CC DC
  • CREATED / VALIDATED BY : NHP Admin
  • LAST UPDATED ON : Jul 08, 2015

Discussion

Write your comments

This question is for preventing automated spam submissions
The content on this page has been supervised by the Nodal Officer, Project Director and Assistant Director (Medical) of Centre for Health Informatics. Relevant references are cited on each page.