Rubella.png

ரூபெல்லா (ஜெர்மானிய மணல்வாரி)

ரூபெல்லா நோய், ஜெர்மானிய மணல்வாரி என்றும் அழைக்கப்படும். இது ஒரு வைரல் நோய். குழந்தைகளுக்குப் பரவலாக வரும். இது பொதுவாக ஒரு கடுமையற்ற தொற்று நோய். உடல் மண்டலங்களில் சிறு நிலைகுலைவு ஏற்பட்டாலும் இது உயிருக்கு ஆபத்தாக முடியும். பெரியவர்களுக்கு மூட்டு நோயையும் (நிலைத்திராத) உருவாக்கலாம். தோல் சீர்குலைவு போன்ற கடுமையான சிக்கல்கள் மிகவும் அரிதாகும். வளர்ந்து வரும் கருவுக்கு, நச்சுக்கொடியை ஊடுறுவி விளைவிக்கும் தொற்றுநோய் போன்றவற்றை விலக்கி விட்டால் ரூபெல்லா பொதுவாக ஒரு சாதாரண தொற்று நோயே.

ஒட்டுவாரொட்டியான ரூபெல்லா (பிறவி நோய் அல்ல), நோயாளியின் மேல் சுவாசப் பாதை கசிவுகளின் மூலம் பரவுகிறது. சிறுநீர், மலம், தோலின் மேலும் இந்த வைரஸ் காணப்படும்.

குறிப்புகள் : www.euro.who.int 
www.cdc.gov 
www.nhs.uk 
www.nlm.nih.gov

நோயரும்புகாலம் 2-3 வாரங்கள் ஆகும். அறிகுறிகளில் அடங்குவன:

  • சளிக்காய்ச்சல் போன்ற அறிகுறிகள்
  • உலர்ந்த சிவப்பு-இளஞ்சிவப்பு கொப்புளம்
  • நிணநீர்ச்சுரப்பி வீக்கம்
  • அதிகமான காய்ச்சல்

குறிப்பு : www.nlm.nih.gov

இந்நோய் ரூபெல்லா வைரசால் (தோகா வைரஸ்) உண்டாகிறது. நோயாளியின் சுவாசக் கசிவுகள் மூலம் பிறருக்கு இது காற்றில் பரவுகிறது.

குறிப்பு: www.nhs.uk

இரத்தச்சோதனை:

கீழ்வரும் எதிர்பொருட்களுக்காக இரத்தம் சோதிக்கப்படுகிறது:

  • புது ரூபெல்லா தொற்றுவுக்கு IgM எதிர்பொருள் காணப்படும்.
  • கடந்த காலத்தில் ரூபெல்லா தொற்று இருந்திருந்தாலோ அல்லது அதற்கெதிரான தடுப்புமருந்து எடுத்திருந்தாலும்  IgG எதிர்பொருள் காணப்படும்.
  • இந்த இரு வகையான எதிர்பொருட்களும் இல்லை என்றால், ரூபெல்லா தொற்று இல்லை என்பதும் அதற்கு எதிரான தடுப்பு மருந்தும் இல்லை என்பதும் பெறப்படும்.

குறிப்பு : www.nhs.uk

அறிகுறிகளைக் கொண்டே பொதுவாக சிகிச்சை அளிக்கப்படுகிறது. வலியையும் காய்ச்சலையும் கட்டுப்படுத்த பெரும்பாலும் இபுபுரூபன்/பாரசெட்டமால் அளிக்கப்படும். நோயாளிகள் அதிகதிகமான நீராகாரங்களை உட்கொள்ள பரிந்துரைக்கப்படுகிறது.

குறிப்பு : www.nhs.uk

இன்னும் பிறக்காத குழந்தைகளுக்குப் பிறவி ரூபெல்லா நோய்க்குறியால் (CRS) ஏற்படும் பிரச்சினைகள்:

  • கண்புரையும் பிற கண் குறைபாடுகளும்
  • காதுகேளாமை
  • பிறவி இதய நோய்கள் (தகுந்த முறையில் இதயம் வளர்ச்சி பெறாமை)
  • மூளை சரியாக வளராததால், உடலோடு ஒப்பிடும்போது சிறிய அளவு தலை
  • இயல்பான வளர்ச்சி விகிதத்தை விட குறைவு
  • மூளை, கல்லீரல், நுரையீரல், எலும்பு மச்சை சேதம்

குறிப்பு : www.cdc.gov

தட்டம்மை, பொன்னுக்குவீங்கி, ரூபெல்லா வுக்கான (MMR) தடுப்பு மருந்து எடுக்க வேண்டும். தட்டம்மைத் தடுப்பூசி 12-15 மாதங்களில் முதல் வேளையாகவும், 4 வாரம் கழித்து இரண்டாவது வேளையாகவும் போட்டுக்கொள்ள வேண்டும் (பொதுவாக 4-6 வயது வரை)

குறிப்புகள் : www.cdc.gov
www.vaccineindia.org

  • PUBLISHED DATE : Apr 21, 2015
  • PUBLISHED BY : NHP CC DC
  • CREATED / VALIDATED BY : NHP Admin
  • LAST UPDATED ON : Jun 04, 2015

Discussion

Write your comments

This question is for preventing automated spam submissions
The content on this page has been supervised by the Nodal Officer, Project Director and Assistant Director (Medical) of Centre for Health Informatics. Relevant references are cited on each page.